Կյանքից հեռացել է հայ ժողովրդի մեծ բարեկամ Կիմ Բակշին

 

Ռուսաստանի մայրաքաղաք Մոսկվայում 88 տարեկանում կյանքից հեռացել է նշանավոր գրող, կինոդրամատուրգ, հայագետ և հայասեր Կիմ Բակշին: Այս մասին տեղեկացնում է Ռուսաստանում Հայաստանի դեսպանատունը:

«Կիմ Բակշին իր կյանքի մեծ մասը նվիրել է հայ ժողովրդի պատմության, մշակույթի ուսումնասիրմանը: Դեսպանատան անունից մեր խորին ցավակցությունն ենք հայտնում Կիմ Բակշիի հարազատներին»,-ասված է «Ֆեյսբուք» սոցիալական ցանցի՝ դեսպանության էջում արված գրառման մեջ:

 

Կիմ Նաումի Բակշին ծնվել է 1931 թվականին Մոսկվայում: Հայագիտությամբ է զբաղվել 1964 թվականից: Հայաստանի մասին 6 գրքի հեղինակ է:

Նրա հեղինակած սցենարներով Հայաստանի մասին նկարահանվել է ավելի քան 50 վավերագրական ֆիլմ: Դրանցից մի քանիսն արժանացել են միջազգային և տարածաշրջանային մրցանակների, իսկ 20 սերիաներից բաղկացած «Մատենադարան» հեռուստատեսային ֆիլմը, որի համահեղինակն է նաև ռեժիսոր Հովհաննես Հախվերդյանը, ստացել է մեծ մարդասեր Ֆրիտյոֆ Նանսենի միջազգային մրցանակ: Հրապարակախոսին շնորհվել են «Մովսես Խորենացի» մեդալ, Ռուս-հայկական (Սլավոնական) համալսարանի «Պատվո շքանշան»: Նա նաև «Կարպիս Փափազյան» հատուկ հիմնադրամի (Վիեննա) և Հայաստանի գրողների միության «Հովհաննես Թումանյան» մրցանակների դափնեկիր է:

http://armday.am/post/77618/kjanqits-heratsel-e-haj-zhoghovrdi-mets-barekam-kim-bakshin

Загрузка...

Be the first to comment on "Կյանքից հեռացել է հայ ժողովրդի մեծ բարեկամ Կիմ Բակշին"

Leave a comment

Your email address will not be published.


*


ԴԻՏԵԼ